Monday, September 11, 2006

ليش...إجتماعي

ليش يا ربي في هالقد مطربين؟ مش حرام؟ دينينا وعقولنا يعني مش حرام؟

ليش بي بلدنا هالقد في فشّيخا وشراميط وناس بدا تتعاطى سياسة؟ ليش؟

ليش بس نِطلع ورا ديريكسيون بتوعى فينا غريزة البطش ؟

ليش بفضِّل شِّك بعيوني إبر ولا روح أعملي شي معاملة بدايرة رسمية؟

ليش المرا يلّي بتعجبني: يا مصاحبي، يا مجوّزي، يا قرائتا المفضلة مجلة الشبكة أو Mondanité؟

ليش المرا يلي أنا بعجبا ما بكون طايق ربّا مثلاً؟ ليش قولكن ليش؟

ليش بس تطلع بشي تاكسي، الشوفير بدو يبلّعك تحليلو لأزمة الشرق الأوسط كأنو قبل ما كان يشتغل عالخط كان محلل بشي مركز دراسات إستراتيجية بواشنطن؟

ليش صاير عم حِّس إنو ما في فرق بين نشرات الأخبار والمسلسلات المكسيكية؟ والأنكى إنو مرات بحس المسلسلات المكسيكية صادقة أكتر من نشرات الأخبار وفيها أقل مجون وعربدة.

ليش بحِّس إنو في كتير نسوان لبنانية رح يروحو يعيشوا بالناقورة من بعد ما إجا شي ألف عسكري طلياني؟ نحنا بالفوتبول ما كنّا مخلصين من التعليق فا كيف وحضرتن متواجدين على الأراضي اللبنانية؟

ليش مسلسلاتنا اللبنانية هالقد بهلة؟ ليش؟ إنو كل شي مرق علينا حروب وتواريخ وفاتحين ما إلتقالو شي واحد بيفهم يخبرنا شي قصة غير "من أحلى بيوت راس بيروت"؟

وأخيراً وهيدي يلي هالكتني أكتر شي
ليش مش قادر روح عيش برَّات هالبلد؟ ليش يا ربي ليش؟ ما عم بعرف...

15 comments:

nado said...

ana 2erit Ur LEISH el ijtime3i wel syesi. bass m2arira ma 3ale2 b kel shi fe kelemt siyese aw esm 7ada min atbe3 el siyse...
fa te3l2i 7a ykon hon...
ma feye 2elek gher da7kteni min albeh :) :) :)
balki bt3emelna ba3ed Leish Iktisadi aw Shabebi... w shu byokhtor 3a bellak..

ta7eyetna

sagida said...

merhaba
I'm from Bosnia, Sarajevo. I’m Bosnian girl who speak Arabic and I fallow your blog with great love and respect. Keep showing the world how Arab are very intelligent and creative people.
Of course, Beirut we lebnan 'ala tul el zaman!

Eve said...

بشرفك، هلق إحكي الحقيقة، إنت شفت أشكالهم للجنود الإيطاليّ بالناقورة؟ عن جد ولووو! إنو عن جد يعني! مين ما بدو يروح عالناقورة :pp

Maya@NYC said...

hahahahahha..... ktir mahdoum w bi fesh el khele'
lesh hek?? li ano el denye hek!

(bas why blame the lebanese women if they have good taste in men!)

Ana Min Beirut said...

Nado, Ahlan feeki, glad I made you laugh ...your Ziad Rahbani post was pretty funny too ... Ma tkhafeh min el siyessi ...badna ni7ki sarlna ktir sekteen....

Sagida, welcome, Gosh from Bosnia and you speak arabic...I love globalization ... thank u for your encouragement and I definitely agree: Beirut wou Lebnan 3ala Toul el Zaman...

Eve, Chiftoun chiftoun lal Tilyen...iza el Swadiyeh jeybeen ma3on 3anassir min el jinss el Latif...Ana wi yekeh min seer rayheen jeyeen 3al Naqoura ;-)

Maya, who blamed? it was just a feeling which was confirmed by Eve's comment ... wil 7abil 3al jerar...law ma kinteh bi NY, bzoneh ken sar 3indik Bayt bil Naqoura :)
The positive outcome of all this is that now at least women from Achrafieh and further North will finally acknowledge inno Naqoura is part of Lebanon !!!! I wish Bint Jbeil Ken fiya Tilyen....Kinna wafarna 3a 7alna chi chaHir 7arb wou damar....;-)

inmotion said...

this is hillarious but i barely know my way around leb .. I realize that we have some issues but i didn't think my female compatriots from lebanon were so silly .. sigh .. oh well ..

achinar said...

Ya ibn Beirut, very nice post, both the political and social big Leish!, as Maya said, la'ano eddinieh heik!

Maya@NYC said...

hope when i go back, the italian hunks would be gone. but, in the meantime, i will start taking italian classes....ma hada bya3ref....(ktir moumken Crystal yeftah bil Naqoura)

doha said...

hilwi menak
fashet khel2ak,
w nsit te7ki 3an kezeb wel ser2a wel bataleh w,...
yalla kater khir Allah

gitanes legeres said...

leish meshte2etlon hol kellon ana? w leish el3eesheh hon a7ssan bass ya reytneh honik?

linalone said...

بدي أعرف ليش الناس ساكتة على كل هالزيادة يالأسعار خاصة الي بيتعلق بالنقل و الخبز و ما بتنزل تتظاهر بالشارع ضد هالشي؟ مش شاطرين الا يهوبروا للسياسي الفلاني أو الفلاني... شي بيقرف.

Coco said...

Ana men ra2i Gitanes Legeres, this is exactly how I was going to comment when I clicked to come here :)

Ba3den ya sabaya Lebnen, walaw? men shou biyeshko shabeb baladna? Shoufo el hadameh wel zaka... B2akkedelkoun enno ma betle2o heyk barra. Yalla... kell el 7a22 3al tolyen!

W 3ala sirit el mousalsalet el Lebneniyyeh el bahleh, rez2alla 3ala iyyeh El Denyi Heyk w Abou Mel7im w Barbar Agha w yiiiiiiii rez2allaaaaaaaaaa!

Leych masirna net-hajjar w nhejir w ma na3rif net-hanna bi Baladna?

Ana Min Beirut said...

Coco, thanks for the nice comment. hadameh? barkeh... Zaka??? well the jury is still out on this one ;-)

Ahla wou sahla feekeh 3ala kol 7al...

AM said...

Lol this post is hilarious!
Well I guess most of your posts are but I am gonna stop commenting telling you this, yalatif 3al ego, shu behaddi ba3den :P

blackr0se said...

2aweltak nassib ?
fi matal bi2oul drob w sib w 2oul nassib :) ne7na ellebneniye shatrin bi hal shaghle ktir :)
bas ma fine 2oul gheir eno it was a very on the spot post
leave u in peace