Friday, September 01, 2006

بحبك

بحبك...بحبك متل ما الخمّار بحب الكاس

بحبك متل ما ألله حبّ الناس

بحبك متل مجنون ناوي عالأذى

لو شفت غيري حد مِنِك ناس


بحبك متل ما الراعي بحب القطيع

بحبك متل شي طفل مع إمو رضيع

بحبك غزالة شاردة بمرج الوسيع


بحبك متل ما حاتم(1) بحب الجود

بحبك متل عصفور عالعنقود

بتضل تجّرحني العيون السود


بحبك والهوى بقلبي صحيح

بحبك عا قد ما بيحتاج للطب الجريح

بحبك قد ما الإسلام بحبوا النبي

بحبك عا قد ما الرهبان بحبوا المسيح !!!

(1): حاتم طي، شخصية تاريخية إشتهرت بكَرَمِها
من شعر بديع يزبك.


وبيت عتابا عالخفيف بس مش كتير بريء!!!

عيون السود بسهامن صابوني
بـِ حبهن قلبي هايم... بس عصّبوني
ويا ريتو الربّ خالقني صابوني
تا إرغي وحفّ عا جسم الحباب
مش متذكر مين قلي ياه هيدا

6 comments:

Maya@NYC said...

allow me to say this: your blog is turning out to be the ultimate babe-magnet... (i know it was not premeditated).. i loved the poem and all the faces of love : the jealousy, the dependence, the need, the faith, the admiration, the passion...the love...(very long sigh...)

Ana Min Beirut said...

allow me to say this: your blog is turning out to be the ultimate babe-magnet

يا عيني !!! منكون نقلنا من الدلفة لتحت المزراب

i loved the poem and all the faces of love
أنا كتير بحبا هالقصيدة كمان، بتلخص كل الحب بكم بيت شعر

gitanes legeres said...

7elou el7ob bil arabi..

doha said...

حبيت هالشّعر

خفبف، ظريف و صادق كمان

The Lebanese said...

Kesak Shreek!

Ana Min Beirut said...

بصحتك حبيبي