Monday, September 11, 2006

ليش ...سياسي

ليش كل ما إسمع الياس عطالله أو فارس سعيد ما بِعود سايعني قاموس المسبَّات ؟

ليش كل ما إسمع نايلة معوض عم بتحلل بالسياسة الإقليمية قال، بحس إنو الهبل ما إلو حدود (إقليمية!!!)؟

ليش كل ما إسمع سمير جعجع أو حدا من بيت الجميّل دغري بقلب القنال ؟ ليش ؟

ليش بس إسمع بري أو جنبلاط دغري بعتبر إنو عم بيكذبوا ؟

ليش بس إسمع فؤاد السنيورة أو بيان المطارنة بقول لحالي "إنتوا حطكن عا حكي"؟

ليش بس إسمع ميشال عون بيعلى ضغطي ؟

ليش بس شوف مش إسمع عاطف مجدلاني أو نبيل دو فريج أو غنوة جلول بغشى من الضحك؟

ليش بس إسمع وليد عيدو أو ناصر قنديل أو وئام وهاب بستعوذ بالشيطان ؟ ليش يا ألله ليش؟

ليش بس إسمع سعد الحريري بيشفقني قلبي علي ؟ إنو شو ذنبوا هال Jagal دبّوا هالدبّي؟

ليش بس شوف ميشال المر بقول بعد في شي لون ما بيلبق علي هيدا؟

ليش بس إسمع حسن نصرالله بقول يا ريتو ما كان رجل دين ؟

4 comments:

Tilda said...

ana bass shouf gebran bassil byeje 3abele cerelac lesh?

RAT said...

la3anat allah 3alayhem jami3ane bidoun ayy 2stesna2

linalone said...

w ana ma3ik ya rat, allah yekhed ma ykhalle 7ada, ma3 enno ma b2emine:D

Unruly Spring said...

awiyyeh. I will also ask with you...."leish"??!!