Sunday, November 07, 2010

ميجانا: ليعبا

كانت زغيري وكنت بإيدي ليعبا
بسن الطفولة لا قميص ولا عبا
بسن الرشد، مديت إيدي عالعبا
قالت تراجع هالفواكه مضمنا


على شكلو شكشكلو

Tuesday, October 26, 2010

كمان نتفة غزل

يا خمر نعـّسني معك ونعاس
عزمتك عا سكرة، تعا دعوتي لبـّي

فضّي وعبّي كاس عبّا الراس
يا ما مفضي الكاس ومعبّي

يا مصمم الأزياء يا حساس
لليل عنو شيل هالجبة

وصمم حبيبي الكاس والأنفاس
تأشربو من الزاف للقبة

من شعر طليع حمدان




غزليات
 

Monday, October 25, 2010

على ما يبدو

مستوحاة من أغنية جوليا بطرس الجديدة "على ما يبدو" ـ



Monday, October 11, 2010

عتابا: تعسكر

شفت الجيش من حولـِك تعسكر
وشفت الهمّ عا جبينيك تعس كرّ
شلحت توبها وقالت تعا سكار
من تمّ المتل معصرة العنب




على شكلو شكشكلو

Wednesday, September 01, 2010

الله يرحم مارون كرم

نَحْلاتكُن مِدري كِفِنِّي صايرين
علَّموا عَ الشَيْطَنِة نَحْلاتنا
بْيِتـْقـَوشَعوا ما بِيْسْتِحوا هالدَّاشْرين
بْيتغامزوا مِن بْعيد عَ وِرْدَاتنا



على شكلو شكشكلو

Monday, August 23, 2010

نتفة غزل

من قبل سبع شهور كنا إبو ضبي
ومتل الورد طلت صبية محجبّة
متحسّرة، إتنشّف عرقها مشّوبة
وممنوع إعلان الجمال من الخبي
قلتلها من بعد نظرة طيبة
من عيونها في هيك فرصة مناسبة
زيحي الحجاب وبوردي بهالتجربة
ولا تفزعي إتحاسب وتتحاسبي
بكرا أنا بطلب التوبة من المسيح
والمغفرة إنتي إطلبيها من النبي

Saturday, August 14, 2010

من عاصي لفيروز

بالذكرى الـ 24 لغياب عاصي الرحباني، إنكتب كتير مقالات وإتخبر كتير خبار، خصوصي بظل هالمعمعة بين فيروز وورثة منصور الرحباني. بس في قصة لفتتلي نظري كتير وخبـّرها فايق حميصي يلي كان عايش مع عاصي الرحباني بفرد بيت لحين وفاتو. وأكد حميصي إنو عاصي كان لآخر تكة ناطر إنو يدق الباب وتجي فيروز لعندو عالبيت وإنو كان مشتقلها كتير ...ـ
فا إرجعت عا هالأرشيف وعا مسرحية "المؤامرة مستمرة" (آخر مسرحية لعاصي وهوي طيب) تا فتش عا أي دليل يأكد شو خبّر فايق حميصي...ولقيت هالزجل الرائع ويلي بيّن قديش بالفعل هالزلمة كان مشتاق يرجع يلتقي بالمرا يلي لا شك إنو جسـّدت أو قولبت عبقريتو بطريقتا وموهبتا يلي ما بظن إني أنا قادر أوفيا حقا ...ـ





يا جارة إزعلتي عليي وشو بيرضيكي ؟
متل ما صاير فيي صاير فيكي


غادي من عندن غادي الصوت الموجوع
يغلغل بصخور الوادي ويرد رجوع
بحلفلـِك لما بنادي وعينيي طلوع
بسمي الله وبلادي وبسمّيكي


يا حلوة اللي هجرتينا ونحنا جيران
ليالي الحب ليالينا راحو ضيعان
ويا ما إكتبنا بماضينا عنـِك قصدان
شمـّتي الكوّرس فينا والدبيكـّي


لافي تحت الصفصافة طير الميي
والحلوة عم بتجافي شوي شوي
بشهـّد هاليل الصافي وندر عليي
لأقصد مار عبدا حافي تا راضيكي


المغنون بحسب الدور: جوزيف ناصيف، رونزا، جوزيف عازار.ـ

Friday, July 02, 2010

عتابا: لبـَّكيني

يا ملبـّكي العالم، بحُبـِك لبـَّكيني
وما تبكي عا حدا، أنا بس إبكيني
وياريتو الرب خالقني "بيكيني"ـ
تا إبقى ملزّق بجسم الحباب

Thursday, June 03, 2010

مقاومة الإنحلال : أصنام العرب






Quotable Quote:
صارلن شي مية سنة ما ربحوا العرب
مية سنة ملقوحين بقصور الدهب
مية سنة مرتاحين. لا القدس ولا فلسطين
عملو عندن شي صحوة أو صرخة غضب

Wednesday, June 02, 2010

إبصق بوجهي



أمس اتصلت بالأمل
قلت له: هل ممكن أن يخرج العطر لنا من الفسيخ والبصل؟
قال: أجل

قلت: وهل يمكن أن تشعَل النار بالبلل؟
قال: أجل

قلت: وهل من الحنظل يمكن تقطير العسل؟
قال: أجل
 
قلت: وهل يمكن وضع الأرض في جيب زحل؟
قال: نعم، بلى، أجل....فكل شيء محتمل
  
قلت:
 إذن حكام العرب سيشعرون يوما بالخجل ؟
 
قال:ابصق على وجهي
إذا هذا حصل

Saturday, May 15, 2010

دلعونا

لما بتتعـّري بكون البردايي
ولما بتنامي بكون التكـّايي
لما بتصلـّي بكون الترجايي
ولما بتعترفي بكون الأبونا

من شعر موسى زغيب

Wednesday, May 12, 2010

مقاومة الإنحلال: تركني الليل

تركني الليل وراح يرتاح...وأخد نومي معو


لشربل روحانا من ألبوم خطيرة





Sunday, February 21, 2010

البطل مات...والسياسي فات



كتير بيعجبني هالحديث
بين سطورو في كتير معاني مخبايي
وكنت ناطر إني حطو بيوم ما يصادف ذكرى "شي" بهالبلد
يلي كل يوم لازم يكون ذكرى شهيد أو إنتفاضة أو عيد شي قديس أو نبي
بعتقد إنو اليوم 21 شباط يوم "عادي" يا أخي
مش ذكرى شي مجزرة أو شي طحشة أو شي عيد بلا طعمة غير إنو لازم
العالم تصرف مصاري وتستهلك عا إشيا أكيد ما إلها لزوم وآخرتا بالزبالة




الحديث من مسرحية المحطة للأخوين رحباني
دور الحرامي : أنطوان كرباج
دور الشحاد : سامي مقصود

صحيح أنتَ بطل أكتر مني...بس أنا سياسي أكتر منك،
وتنايناتن السياسي والبطل لازمين لمصلحة الوطن