Sunday, June 09, 2013

أنسيات

من روائع أنسي الحاج :

·       لم يُمرّغ العقل بالوحل كما مُرّغ مُذ أُبيح الحكي للمأجورين.
 
·       البلدان الصغيرة لا تحتمل حكومات الأقزام. البلد الصغير يتطلّب حكّاماً أنبياء.

·       الحكي في السياسة غوصٌ في الوحل. تتلطّخ الكلمات بالتفاهة، بحضيض الدسائس والنكايات.
  
·       وزارة ثقافة أعلى منجزاتها منح الدروع ورعاية مهرجانات لا تحتاج إلى رعايتها وتعليق أوسمة على التوابيت.

·       من أنسب ما يكون للتوفير على الخزينة جمع وزارات الثقافة والسياحة والبيئة في رزمة واحدة والاحتفال بإلغائها في ساحة الشهداء.
  
·       اعتدتُ الحياة وسوف أعتاد الموت ولم أنجح في اعتياد الحبّ.
 
·       أرقُّ ما يغتسل به المرء بعد أن يغوص في نداماته، صوتٌ يتداركه قائلاً: لم تخطئ! لم تخطئ. 

·       رجلٌ يُحبّكِ حتّى القبول بقتلكِ له والتظاهر بأنّه يجهل أنّكِ تقتلينه، هذا رجلٌ يحبّكِ أكثر ممّا تستحقّين، وهذا هو الحبّ.


·       لقد عرّانا الخليجيّون. مُنعوا من المجيء فبان الهيكل العظمي اللبناني في تابوته. مجتمعٌ قائم على «الضيوف». على «كَرَم الزوّار». ما شاء الله. العبقريّة اللبنانيّة كلّها رهن الأراكيل والمطاعم والمعاملتين.

·       شعبٌ لا يثور على حكّامه في ظروفٍ كهذه مقطوعٌ الأمل من ثورته على الإطلاق. إلّا للتقاتل الطائفي والمذهبي. «الثوريّون» الوحيدون هم المهرّبون.

·       ما يميت ليس المرض بل اليأس.


·       البشاعة مع الحيويّة خيرٌ من الجمال مع الموت.


·       وما من برهان على اليأس أوضح من ثقافة الأركيلة.


·       بَدَل الانتفاضة الحرّة المحرِّرة يزداد الشعب عدم وجود، ويزداد احتمال تَكوّنه يوماً، استحالة.


·       كنّا طوائف وصرنا مذاهب وسنصبح مذاهب في المذاهب.


·       مسألة جدوى النجاح وجدوى الثراء وجدوى النبوغ. كم منّا يستطيع القول إنّه صادف مشهوراً أو متفوّقاً أو مليارديراً أو عبقريّاً هانئاً في حياته؟ إذا لم يُصَب في أحبّائه أو في صحّته أو سمعته أصيب في شخصيّته، فإذا بأشباح الميكروبات تسمّم علاقاته وتنتهي بإطاحة عقله.


·       أمّا الحقيقة البسيطة فهي أنّ هذه الضالّة، أي الحبّ الأقصى، أو المرأة المثاليّة، لا وجود لها إلّا في خيال الشعراء.


·       ليس هناك على الأرض شيء مماثل لما يصنعه خيال الشعراء.


·       يا للحبّ! ماذا لا يفعل الإنسان بسببه! لو أحجم العاشق عن الانبهار بالمعشوق لما بقي إلّا مجاعات الشبق العمياء.
 
·       أعرف كثيرات يَحسبنَ أنّهُنَّ يعرفنني. لم يعرفني إلّا اثنتان، وثالثة لم تعجبها معرفتي.



Sunday, December 30, 2012

أدمنت خطابات أمين الجميّل




نص مقالة "أدمنت خطابات أمين الجميّل" كما قرأته صباح أيوب في حفل ضبية، كانون الأول 2012

Sunday, July 31, 2011

مقاومة الإنحلال: سمرا يمّ عيون وسّاع

ما في أحلى من أنو تلاقي بأرشيفك غنيّة ما تكون سامعا من قبل، وبتكتشف إنا للمؤلف/الملحن يلي إنتا بتعبدو (عاصي الرحباني) وإنو نمط الغنية نمط إنتا كمان بتعبدو (زجل) فا إنجوي:ـ


سمرا يمّ عيون وسّاع / والتنورة النيليّة
المطرح ضيّق ما بساع / رح حطِّك بعيّنيّي




على شكلو شكشكلو

Friday, June 17, 2011

بيني وبين إميلي وراني

إميلي: ما أجمل ملقى المشتاق/ ويدّي تلامس يدّك/ الهيئة هيي عينا عليك/ سبقتني وقعدت حدك

أنا: الهيئة المشتاقين كتار/ والحب عليي جاني / هيي قعدت أول مَيل / إقعدي عالمَيل التاني

إميلي:هيي شكلا رزيلة / عشقانة وعندا حيلة / مش متلي بغرق بشبر/ وزياراتي قليلة

راني: إنتِ بميل وهيّي بميل / ما رح يروي الإشتياق / رح تبقوا تلاتة بهالليل / وما نعرف مين العشّاق

إميلي: والله هو محيّرني/ و بحكيو ما مقنعني/ شاككها جنبو بهالليل/ مضيّعها و مضيّعني

أنا: مقعّد وحدة عا حِدا / والتاني إتغنِّج عالهَدى / وراني يتفرّج مبسوط / الله لا يضيّع حَدا

راني: لا تضيعي ولا تحتاري/ ولا تزعلي أو تغاري/ كفّي صوبي بهالليل/ وأنا بفضّيلك داري

أنا: أوعا تفضّي وتعبّي / الليلة الحلوين بعِبّي / إتفرج من بعيد لبعيد / خلينا نضلنا صحبة

راني: قبل ما إنت تعلّقها/ ولمسة منّك تحرقها/ راني عم يتفرّج مبسوط/ عارف كيف بيسرقها

إميلي: غيراني و قلبي دايب/ و بعدو ما في حبايب/ بس القصة راسو كبير/ جهلان و شعرو شايب

راني: عبّك قد ما هوّي وسيع/ الحلوين بقلبو بتضيع/ خلّي الصحبة عا جنب/ وبطّل من هالحكي تبيع

أنا: الحلوين السكروا منّي / غرامن منو منّة / إن لحقوا وفاتوا عا عبّي / ما فيك تسرقلي هنّي

إميلي: ابن الأشقر ولعها/ مش عارف علق مع مين/ صاحبنا ما بيقبلها/ تسرق من ايدو الحلوين

راني: عندي أنا كبير القلب/ قرّبي ضيعي بكتر الحبّ/ مين بيزعل عالختيار/ وشايف حدّو أحلا شبّ

إميلي: نبيداتك خير الموسم/ و شفافك اطيب مبسم/ بس نبيدات الختيار/ هوانا صوبا نسّم

أنا: لا تكون محسبني كبـِرت / أو إني ختيار صرت / نبيداتي من أطيب كَرم / ومن شفاف الحلوين إسكِرت

راني: مش جايي إخلف عشّاق/ وأوعا تفكّروني سرّاق/ بسّ تعلّق فيك اتنين/ هاي عيب وقلّة أخلاق

أنا: غرامن بدو طولة باع / لا بينشرى ولا بينباع / إنشالله لو كانو مية / ما في قد قلبي بـِساع

إميلي: و لــــك يا ابن بيروت!!! ابن الأشقر موهوب كتير ما تقللو كتير كرمالي

أنا: هالشبّ القلبي إرتحلو/ معو الردات بتَحلو / لكن من درب الحلوين / مش ممكن إني زحلو

راني: محسوبك دايماً سكران/ والليلة منّك غيران/ رح تسهر مع الحلوين/ وأنا تارككن نعسان

راني: نبيد اللي بيعتق بيطيب/ وأحلى شمس عم بتغيب/ وما في أحلى من العمر/ عم يمضى بقرب الحبيب

إميلي: راني ما شالله فنان/ جوّعنا و نايم شبعان/ ريّتا دروبك ما توصل/ الا ع القلب الحرزان


Thursday, June 16, 2011

مقاومة الإنحلال: مداعبة - موسيقى لمارسيل خليفة وأولاده





الموسيقى كنهرٌ دافق، مياهه أبداً متجددة لا تعرف الركون... أما عقول البشر، عفنها من كثرة الركود.ـ

Tuesday, June 14, 2011

بيني وبين داود إبراهيم

من شي كم يوم صار هالحديث الشعري بيني وبين الرفيق داود إبراهيم : ـ

بلش داود السهرة بهالبيتين
وخيطت للارض تياب جداد من ورد من ياسمين/ ومن خلف الشمس طلوا عصافيرك الحلوين طلوا الحساسين

فا جاوبتو أنا:
كلّفت مرج الصبا يحيّك لكي فساتين / ومع كل خيط إنقطب يزرع مردكوشة / وكل شي عيوني من الإيام تعبانين / برتاح كل ما مرق طيفِك على رموشي

رد:
شو حلوة ايديك تهز الحبق/ وانطر روايح مردكوشة وخشخشة الحلق / وصلي لرب السما / واشكرو عهالحلوة اللي خلق

رديت:
ما كان لون الورد بالأحمر عَبَق / ولا إبيّض لون الفِلّ وإخضّر الحبق / ولا الزنبقة فاح الجمال بعطرها / لوما حبيبي خيالَك عليها مرَق

رد:
ريتني حرامي البوسة شفافك سرق / وبشوق ولهفة لضمة صدرك احترق / انا العاشق وغيري كتار/ وصديقك علّيّ اشتلـَق

رديت:
الدبور شال نهديكي خرَق / وعَ نار صدرِك يا إنشوى يا إحترق / لأنو كان بدو يطلع طلوع / تا يدوق من جمر شفافِك علَق

رد:
بذكر صدرك اللي على شفافي اندلق/ مثل الدوا الشافي لشوقي انخلق/ كل شي عرفت نسوان... متلك ما مرق  

رديت:
صاحبنا على صدرِك دلعتو دلَق / وقام يخبّر خبارو عالملأ / مش عارف قصتك مش هيّنة / وقصتو رح تخلص بِ فلَق