Saturday, November 11, 2006

أخطر سؤال

أخطر سؤال اليوم ببيروت، مش أمتين في نزلة عالشارع؟ أو مين عم يقصفنا بالإينرغا؟
لاء،
وكمان السؤال عن تخصيب الأورانيوم والملف النووي الإيراني وكيف السعوديي عم بدبوا وبيعصروا إذا إيران صار عندا القنبلة ...
لاء،
كل هالأسئلة ما فيا خطر عليك يا صاحبي ... الخطر المـُحدق فيك شخصياً هو لما توصل عليك مرتك أو صاحبتك وتسألك:
- حياتي ؟ شايفني نصحاني شوي ؟

يعني شو بدي قلك غير إنو توخى الحيطة والحذر لأنو الكلمات اللي بدك تقولا من بعد هالسؤال فيا تكون مصيرية بالنسبة لإلك ... وبقية حياتك ... لأنو ممكن كتير نقول "البقية بحياتك" لعيلتك وقرايبك... سلامة قلبك.

النصيحة هون إنك تـغـَّير الحديث مع إنو مش مضمونة هالإستراتيجية:
- يا حياتي عرفتي إنو إستقال رامسفليد ؟
- ليش عم بتغـَّير الحديث ؟ (والذعر بادي على وجـّا) والـ Panique رح تبلش تبدي عا وجّك ... (ما قلتلك مش مضموني هالإستراتيجية)

هلق في صيغة للسؤال أخطر من هيك على مقياس ريختر، لما بتوصل "السـِت" من الشغل مثلاً أو الجامعة و"مأنغرا" معا (ما كنت عارف إنو أصول كلمة مأنغرا هيي Angry) وبتسألك:
- ليك ؟ شايفني نصحاني شي ؟
(إنتبه إنو كلمة حياتي صارت "ليك" وناشفة وهال "شوي" يلي فيها وما فيها صارت "شي" ومشروطة ومأكدة وغير قابلة للنقاش)
النصيحة هون إنك تتوجه للطوابق السفلى، لأنو يا حبيبي بدك إتدوق "الواوا" ... وإياك ثم إياك تجيب سيرة هيفا قداما لأنو أكيد رح منروح ناخود بالخاطر ...

قمة الخطر برأيي المتواضع هو لما تكون راجعة من شي ضهرا مع صاحبتا وتشك عليك دغري وتروح سافقتك السؤال العجيب:
- ولـَكْ يا حياتي ليش ما قلتلي إني نصحاني هالقد ؟؟؟
إتروك كل شي من إيدك وإركض عالبلكون وشك عا راسك للباركينغ ... وإذا إنتو عايشين بالطابق الرابع أو الخامس ... مش مهم... تفاصيل هيدي... أنا بأكدلك إنو شو ما بدو يصيبك من بعد الشكة أهونلك بكتير من إنك تجابه هيك سؤال و"تداعياته" ... شو بدك... روح إقعدلك جمعتين تلاتي بغرفة العناية الفايقة وصلي إنـَّا ما تضلا "فايقة" تسألك هالسؤال من بعد ما ترجع عالبيت لفترة النقاهة.

حوار
هيي: طيب ما قلي شوي شو فيي أعمل...ما إنتا درستون هول بإميركا Food Science و Nutrition وشو بعرفني... إنصحني شوي ...
أنا: مش ناقصك نصاحة أأأه Sorry نصايح .......... آآآآآآآآآآخ
هيي: بلا زناختك ... بوجـّْعك ها !
أنا: OK OK أول شي خفيفيلي بطاطا مقلية .... عالترويقة !!! آآآآآآآآآآخ
هيي: جلدك عم يرعاك هيئتو ....
أنا: طيب لازم تتخلصي من الجرة
هيي: أيَّ جرة ؟
أنا: الجرة يلي كل ما دق الكوز فيا بتفتحليك لوح Galaxy ....
أنا: آآآآآآآآآآخ آآآآآآآآآآخ آآآآآآآآآآخ

10 comments:

Hassan said...

This is the most dangerous question all over the world, not just in Beirut. But really, the woman you describe seems quite sadistic. :)

Maya@NYC said...

tayeb ma the answer is so easy... it's NO.
but watch out.... don't say the no too quickly: it means you didn't look, you are just saying it to reassure us...
don't say it too slowly: if you have to think about it, then maybe we did gain weight...

or just get her scales for her birthday (and then, go jump from rawche)

funny post (as usual):)

Tilda said...

Best answer would be :" are you crazy??? ktir de3fane, leh heik?".. and then you end it with:" heik ktir mnih... now maintain it". try it, it works!

Anonymous said...

HAHHAHAHA....
ma te2li hek ken ysir m3ak! shu hal 3al2a..
hayde btfaret de7ek : "الجرة يلي كل ما دق الكوز فيا بتفتحليك لوح Galaxy ....
"
ana b ra2ye lezem tetkhalas min el JARA w min el KOZ kamen,, fe el fa3el wel maf3oul bihi :)

inmotion said...

LOL
habbeito hayda el post

omg its hillarious

el 3arabe byjannin

i love it

Coco said...

Ana bensa7ak tghayyir el madame, aw el cherie, 3ala hal mouwwel. Enno ta3o ne23oud a3waj w ne7keh jeliss, ma fi makhlou2a ma bta3rif 7ala iza do3faneh aw nos7aneh, kell yom 3abokra abel ma t7ott 3alaya ayya ot3it tiyeb :) Please ma t2elleh kelloun saro heyk bi Lebnen.

Post bi da77ik bi doun shakk. Aktar shi da77aketneh kelmit (مأنغرا), sarleh zamen ma sta3malta aw sme3ta. W thanks 3ala zeker masdar el kelmeh. Wala marra khatar bi rasseh enno ma32oul tkoun jeyeh men kelmit "Angry". Walla ne7na sha3b multilingual, shou baddkoun bel 7akeh :)

Khawwta said...

Nice post
Azbat halll: lazim tssahiblak chi wihdi d3ifi, hik la bti3tal hamm l Sou2al wla el Jarra

achinar said...

The best strategy is the take precaustions, ya3ne every now and then throw a small compliment: "wow shou hal 7elo elyom, da3fane ya mi7teleh" "ktir 7ilween tyiabik lyom, ana ktir b7ib halfostan, bass shaklik da3fane showai 3an ekhir marra, tale3 bi3a22id"!!!!

make it look like it's spontaneous

;-)

Anonymous said...

LOL.

Well you can always say: "jesmik ktir 7elo hayeteh ana aslan ma b7eb el d3af"

(that's a trick :P hope he falls for it)

Anonymous said...

coco, in lebanon everyday fi sab3in shakhes bi ellik (bi elleh ana) nos7aneh. fi mennoun bkoun ma sarle sheyfetoun min wa2et ma ken 3omre tna3esh. ya3ne :P kamen tewlaneh ;)

Seriously, there is this incredible stress and pressure which any rantional person tries to ignore. But after some time you succumb to it :D