Friday, January 12, 2007

بالـ 2007

بالإذن من ميشال حايك وسمير طنب وماغي فرح ومن لف لفيفهم في الوطن والمهجر من المنجمين والمتنبين والبصارين والبرَّاجين وضرِّيبت المندل وقرّآء الفنجان وشايفين البخت وعلم الفلك والأبراج والخرزة الزرقة وريشة البوم وتلات شمعات والـ Voodoo واليناصيب واللوتو والتيكو التاك ...
بالإذن منن كلن فرداً فرداً .... إسمحولي زيد على هالحديث المشوّق نتفة توقعات ومقررات من عبدكن الفقير...ما أنا كمان بيجيني صوَّر بالغيب وبشوف روءى...وبما إنو موسم، ليش تا خلّي كل هالتحف مضبوبي ؟ رح إطلع الجمهور عليها لأنو الجمهور "عايز كِدا"

إلي فترة غايب عن السمع لأنو كنت فاتح خط مع "الماورئيات" وعم عبّي تنبؤات وروءى للـ 2007 ناهيك عن شوية مقررات مصمم إني طبقـّن هالسنة. إتفضلوا:

مقررات: بالـ 2007 رح بلش صدق 10% من كلام السياسيين و 5% من حكي الجرايد. لا، هالنسب المئوية مش قليلة إذا بتقارنوى مع نسب الـ 2006.

مقررات: بالـ 2007 رح صدق 100% من نشرات الأخبار لما بيكونوا عم بيخبرونا الأخبار الدولية !!! Sorry بس حتى الـ 5% مش قادر عليها بالـ 2007 مع هالجماعة ... بركي بالـ2008 إنشالله وكل سنة وإنتو وهني سالمين

تنبؤات: بالـ 2007 رح يتجاوز عدد المسلسلات المكسيكية المعروضة على شاشات التلفزيون اللبنانية عدد سكان المكسيك.

تنبؤات: بالـ 2007 رح يتجاوز عدد المسلسلات المصرية المعروضة على شاشات التلفزيون اللبنانية عدد سكان مصر.

مقررات: بالـ 2007 رح جرّب من كل قوتي إنو ما إنتؤ/راجع/إتقيّاء لما بالغلط بسمعلي شي غنية لحيالا حداً من هالمطربين المقلعطين الساحة الفنية

مقررات: بالـ 2007 رح جرّب من كل قوتي إنو ما إنتحر لما بالغلط بحضرلي شي فيديو كليب لحيالا حداً من هالمطربين المقلعطين الساحة الفنية

تنبؤات: بالـ 2007 رح يتجاوز عدد المطربين عدد محلات الفلافل والدجاج المشوي والشورما "مجتمعة" – يا بيي شو رح "نِخلع" بالـ 2007.

تنبؤات: بالـ 2007 رح يتم إنتخاب المدير الفني لشركة روتانا "للصوتيات والمرئيات والمنيّكات" كعضو شرف بالـ Academie Francaise نظراً لعطآته "السمينة" في مجال الفن الراقي

تنبؤات: بالـ 2007 رح يجتمع البرلمان اللبناني ويصوِّت على قانون نظافة الطرقات على الشكل التالي:
بحق لحيالا مواطن لبناني بشوف حدن كبّ شي من شباك السيارة إنو:
1- يكسر عليه ويوقفو
2- يلقطو من شعراتو أو شعراتا ويسحبو من السيارة
3- يقرطو قتلة يفرجي نجوم الضهر الساعة 9:30 عبكرا

يـُعمل بهذا القانون "لمرة واحدة فقط" لكل مواطن ويبدأ العمل به فور نشره بالجريدة الرسمية.

هابي نيو يير.

5 comments:

Anonymous said...

Tayib 3al alileh haydeh tanabbou2et btetsadda2, shoukran lal mousherakeh. Amma bennesbeh lal mouqarrarat fa Alla yse3dak w ykoun b3awnak... mesh hayyneh.
Happy New Year elak kamen.

Eve said...

أنا بحس بيزبطوا معك 100%. خاصة قانون نضافة الطرقات. عجبني بشكل خاص، ورح كون من أوائل الملتزمين

7eshareyeh said...

Great song, I just encountered your blogg, I like your writing, it made ma laugh.
So, just a quick question, if indeed salamak ma3ak, why bother then?
sallem ala bayroot

Maya@NYC said...

this is exactly how i feel!!! i need to stop people who litter and just ask them: why!? kif hek!?!

Ibn Bint Jbeil said...

ha ha ha ha ha ha ha ha
the munajimoun in lebanon are a bunch of clowns..and the only thing that the lebanese population seems to agree on is that they are all infatuated with these dumb clowns.. i love your tanabbu3at.. much better than the "professional" clowns!!