Monday, December 04, 2006

أشاير من وحي الغيب

صرلي يومين تلاتي مقلقز حاسس في شي بالأفق بس مش عم بعرف شو
وعادةً بجرب بحبـِش بقبـِش تا ولـَّنو آخدلي شي إشارة من شي محل بس ...
ما في شي...منشفي معي عالآخر... يا أنا معمي قلبي يا مش عم بفهم الأشاير
فاليوم قررت ما روح عالشغل وقررت إضهر من بيروت بركي بيروق راسي شوي وبسير شايف أو سامع أكتر
فدوَّرت هالسيارة وبلشت سوق ... بعد شي ساعتين سواقة وصلت عا مدينة كبيرة.
صفيت وإنزلت إتمشى بالسوق.
بعد شي نص ساعة، "محسوبكن" عـِطِش ... فِت عا دكانة زغيري وطلبت وحدة Diet Coke أنا وعم بتدفعلو شفت شغلة محطوطة ورا الدكنجي:
قلتلو: شو هيدا ؟
برم هيك وقلي : صبغة شعر
قلتلو: أكيد إنتي ؟
قلي: ولاو مية بالمية
قلتلو: فرجيني ياه تا شوف
قلي: تكرم عينك ...تفضل
يعني ما بعرف شو بدي قول بس بوضعي النفسي بهيديك اللحظة إعتبرتا إنو هيدي إشارة !!! أسود وسريع المفعول كمان ... الله ينجينا

ضهرت من المحل وبلش الفار يلعب بعبي ...

طلعت بالسيارة وبلشت سوق ... ما لحقت سقتلي شي خمس دقايق بطـَّلع هيك انا وعلقان بالعجقة وبلاقي الآرمة هيدي:


قلت إيه العمى بدينك شو أعمى إنو إذا بظرف خمس دقايق صار جاييك إشارتين يا إبن ألله وإنتي بعدك مُصِّر إنو بدو يصير شي ... خلص يا حبيبي ما في شي ... دوِّر ورجاع من مطرح ما جيت .... قاعد تتفلسف وتحلل وتناقش ... رجاع عالبيت وحاج تسمع أخبار لا من هول ولا من هوليك ... إتروك الأمور لإحساسك وحتى إشعاراً آخر إحساسك عم بقلك إنو الحالة "مأ..."

9 comments:

linalone said...

Hehe, I have seen the second photo:P. 3am 7awil add ma fine bi hal fatra edbot lsene bas ma 3am e2dir, el msabet 3am tiji la wa7da.. k*** E**** hal balad w hal 3iche w hal cha3b w hal siyessiyine...
( bas b7ebo la hal balad w bmout fi!)

Anonymous said...

HAHAHAHAHAHAHAHAHAHA
Bass ma fhemet, men Bayrout, meshwar se3teyn, la weyn wsolet? Ana sheyfetlak tlo3et barrat Lebnen kolliyyan.

Anonymous said...

Coco, not so secret... TRipoli!

linalone said...

It was me the anonymous.

الشيخ زرياب said...

أنا لاحظت شغلة رزيلة بكلتا الصورتين ..

هع هع

raed said...

hehe... bala eesharat wad7a l 2ossa

Anonymous said...

:P w docteur kamen

doha said...

hahaaa.
funny u

Anonymous said...

:) Iza min sine ken ihsesak heyk el yom chou ?? :P