Saturday, August 19, 2006

حديث بيني وبين واحد فينيقي

الفينيقي: إنو ضروري تكتب بالعربي ... ما مابقا في حدا بيقرا عربي ... حتى المطربين يا خيي بيكتبو أساميون بالأجنبي على لوحات الإعلانات ... بتعرف ليش ؟

أنا: لاء ... ليش ؟

الفينيقي: لأنو هيدا الجيل الجديد ما بيقرا عربي بس بيفهم عربي

أنا: إنتا أكيد إنو "بيفهم" عربي؟ أنا حاسس إنو ما بيفهم شي ... لأنو لو بيفهم ما بيسمع هيك حقارة

الفينيقي: مش هون النقطة ... بدي أعرف ليش بدك تكتب بالعربي؟ ما إنتا تلميذ فرنساويي شي 12-13 سنة وبعدين الجامعة عند الأميركان ... بي نيو يورك مش ببيروت ... شي 6-7 سنين يعني نص عمرك تقريباً مقضي مع الأجانب ... شو بدك بالعربي ... مجلجىء كتير صار ...

أنا: بس يا خيي ... ما بعرف ... سبحان ألله ... مع إنو نص عمري مقضي مع الأجانب بس بعدني بحس بالعربي ... من جوا هيك مدري كيف ... في عندي أحاسيس أو إشيا بدي عبّر عنّا بالعربي

الفينيقي: بس ما إنتا بتكتب كتير منيح بالإنكليزي ... عبر عن هالإشيا بالإنكليزي

أنا: ما عم قلك عم حسّا بالعربي... شو بحسّا بالعربي وبعبّر عنا بالإنكليزي؟

الفينيقي: إيه

أنا: ما فيي، مش صادقة بحسّا

الفينيقي: لأنك عم بتحسّا بالعربي مشين هيك مش صادقة

أنا: إسكوت، مش مظبوط ... بعدين ليش هالقد مستحي بالعربي إنتا ؟

الفينيقي: مستحي بالعرب أنا مش بالعربي

أنا: ما تستحي، ما نحنا كنا عرب قبلن هول يلي مستحي فيهن حضرة جنابك ولما كان جبران ومخايل نعيمة و مارون عبود و أمين الريحاني عم يكتبوا "بالعربي" جامِعتك كانوا عم يتعنزقوا عاجمّال. ولما الأخوين تقلا كانوا عم بأسسوا جريدة الأهرام والصحافيي اللبنانيي عم "بيخلفوا" جرايد ...كِلا بتكتب للحرية بالعربي ... كانوا صحابك عم يتعلموا ينصبوا خيمة !!! نحنا العرب يا حبيبي وصحابك لحديت اليوم مجهولي الهوية

12 comments:

inmotion said...

LOL

shee byfa'i3 min el di7ik

LLOL

The Lebanese said...

Yalli 2inta min Bayroot

We are not Arabs my friens, neither western, nor are we Phoenicians. We are a very unique culture called Lebanese. You think that you are speaking arabic don't you. Remember that arabic is one of the semetic languages that was alive in the arabian peninsula, same as the phoenician language, same as the hebrew. Read this post and give me you opinion by the way.

http://www.aineldelb.com/vbulletin/ad/showthread.php?t=89

Our cultural identity is not something to be decided by petty politicians. This is a subject of study for thinkers, not politicians. Keep an open mind, and embrace your Phoenician heritage.

Anonymous said...

deyman b7eb 2e2ra awal post byktba el blogger bel blog taba3o...
w mni7 li mar2et lahon..
3ajbni 7adisak ma3 el Finiki, w da7kni kamen.
iza badak tshoufni deyman hon fa Ktob ad ma fik bel 3arabi.. el 2osa fiha masla7a hehehhe..

badi etnafas 3arabi ana ;)

Anonymous said...

Ai ya Khayyei.. Ma hennei el Pheneeqiyyei ikhwait sharmouta... Ma 3ad baddoun yseerou 3arab, 3ala ra7eton, bass bedallon ikhwait sharmouta.... Wa, sa7ee7, 3am iktob bel ""phiniqui" 7atta yefhamou shou 3am rabreblon......

Coco said...

3afek! Fashshaytelleh khel2eh wlo! (bet2assaf enni tawwalt ta 2rit hal nass)
3eshrin seneh bi kanada w ba3edneh b7ess w bfakkir w be7lam bel 3arabeh, w lahejteh akid akid mesh kanadiyyeh wala amerkeniyyeh, wala 7atta frensewiyyeh ma3 enno, metlak, marba franj... enno weyn el meshekleh? w dakhlak leych el fini2eh w yalli bi shedd 3a mshaddo maz3oujin hal2add?
tsk tsk tsk.. ma kenet 3erfeh biyetla3 menno heyk 7akeh el fini2eh, za33alni walla... 3emil metel hal lebneniyyeh yalli hawn w nesyo men weyn ijo.

3ala kollen, beshekrak ennak 7attayto bi ma7allo :)

Anonymous said...

Allow me to add my comment bel ARABI
أنا كمان بقول إنو اللغة اللي بتحس فيا هي لغة بلدَك،اللغة اللي بتفكر فيا قبل ماتنام هي اللغة اللي بتشبهك
بس المشكلة أن كتار من اللبنانيي بيستحوا يحكوا عربي لأن "بريستيجون" ما بيسمحلون
ما تخاف عالعربي اللغة اللي فيا شعر،إحساس ونقد فكري مابتدوب بغير لغات
المهم يضل في ناس يكتبوا بالعربي ليضل بالمقابل في مين يقرا

Ana Min Beirut - أنا من بيروت said...

Anonymous: يسلم تمَك أو تِمـِك

Anonymous said...

هيك تعليق لازم يكون من تمي مع كسرة

Ana Min Beirut - أنا من بيروت said...

بس مع هيك تعليق أكيد منـِك خوتا ولا أنا غلطان ؟؟؟

Khawwta said...

القصة ما فيا غلط وصح لأن في كتير إشيا بتختلف بين شخص والتاني حسب كيف كل واحد بيفهم الإشيا عطريقتو
عكل حال أنا بقول إني خوتا ومكترا لأن الخوات الحل الوحيد لنضاين بهالبلد

Anonymous said...

great post..I face the same prob. sometimes..I can answer..

فيروز غنت حبوا بعضن تركوا بعضن بالعربي

نزار كتب لبلقيس أحلى قطع غزل فنية بالعربي

أم كلثوم قالتلنا انما الحب سكارى بالعربي

و أنا خباز الحارة باعنب خبز و قلي شو بدك عمو بالعربي و بياع الدرة و الكعك عالعررباي نادى عليهن بالعربي

و أنا..شو بدي اقول بدمي الحرف العربي

Anonymous said...

مرحبا, بالنسبة لسالفة الاصل وماالاصل أحس إنها صايره مشكلة كبيره وموضع نقاش بينكم ياللبنانيين يبدو لي عندكم شيء إسمه (أزمـــة هـــويــه). أنا شخصياُ أتوقع إن هالازمه الي تعانونها بسبب وجود نسبة تقارب 50% من النصارى اللبنانيين يعني مايقارب نص اللبنانيين غير مسلم ولذلك لايحبذ بأن يكون عربي لانه في مخيلته وفي عقله الباطن وتركيبته النفسية دائما يربط بين (الدين والهوية) وهالامر حاصل حتى عند الاقليات الغير مسلمه في سوريا والعراق من آشوريين وسريان وغيرهم. بالنسبة للاكراد هذي حاله مختلفه لان الاكراد لهم لغتهم وثقافتهم وحتى اصلهم غير سامي يعني من حقهم واضح انهم ليسوا بعرب. عندنا بالسعودية فيه ناس أتو من بلاد آسيا الوسطى وافريقيا وجنوب شرق آسيا واندونيسيا واوروبا والبوسنه والهرسك للحج والتجارة واستوطنوا السعوديه واتقنوا اللغه العربية ومع ان ملامحهم عيونهم وبشرتهم لاتزال واضحه وتدل على انهم ليسوا عرب اقحاح لكن لو تسأل اي واحد منهم قال انا سعودي ولسانه عربي وعاداته في الغالب سعوديه ويلبس الزي السعودي ونعرف من اسمه او خلقته انه ليس عربي الاصل لكن هذه المسأله ماعمرها شكلت أزمة هويه مثل الي حاصل عندكم بلبنان. بس إحقاق للحق ولو على النفس اقول نعم صحيح ان هؤلاء في الغالب لايزوجونهم العرب بناتهم ونادراً مايتزوجون منهم ولكن في باقي مجالات الحياة كلنا سعوديين مسلميين وعربيين المشاعر والهويه. أعتقد جازما أن اللبنانيين يستطيعون حل هذه الازمه اذا اخذوا التجربة السعوديه كا درس واقعي امامهم. وفي النهاية الناس كلهم سواسية كا أسنان المشط عندما يولدون من بطون امهاتهم لكن يتغيرون بعد ذلك حسب اتجاهات وتفكير كل شخص.
نايف القحطاني- السعودية
The Joktanian Naif