من وحي عجقة السير

كانت بسيارة جديدة مكيّفة

حدّي على ذات الإشارة موقّـفة

بشارع الحمرا والإشارة المرهفة

يا ريت حمرا إتضلها وما تنطفي

وعا جسمها نتفة تياب منتّـفة

وأكتر من الصيف،ولهيب ومصيّفي

وعا صدرها حزام الآمان الما غفي

متل العدل قاسم الصدر مناصفة

يا ريتني عا صدرها حزام الآمان

بكيّف أنا وبتضل هيي مكيّفي

(فيكتور ميرزا)

سحبة عتابا

قلتي بالعشق عني حرامي

وما فرقتي حلالي عن حرامي

وعا جسمـِك كـِتـِر ما تمرمغ حرامي

متل قلبي عليكي قهر داب

(بسام حرب)

رَبـِع خالـِك إشتروا رَبـِع خالي

تعي نهرب سوا عا رُبـُع خالي

جسمـِك من تيابو رِبـِع خالي

إسمحيلي بربع خالي من التياب

(فيكتور ميرزا)

كِتِر ما تيابك عَلجسم زَّرّوا

ربيع الورد فتّح عطر زرو

وقميصك بالعتم لو فكّ زرو

بشق الفجر من تحت التياب

 (نديم شعيّب)

على شكلو شكشكلو

ميجانا ليعبا 

عتابا تعسكر 

عتابا لبّيكيني 

غزل وإيمان

رايح تا زور المعبد عالمنحنى

ووصلـِت عم بتوفي نِدر وقتو دنا

طَلبـِت تا تنعم بالسعادة والهنا

تأملت فيها والقلب دايب ضنا

عا صدرها رسمت صليب بإعتنى

وقالت إذا بآمن وعا أيَّا بنا ؟

قلتلها آمنت والراس إنحنى

بآب وإبن ما في إلي عنهن غنى

وبمحل ما عم ترسمي الروح القدس

الملايكة ما آمنوا قدّي أنا

بيني وبين "أميلي"ـ

من شي يومين زمان...من بعد ما سرّبت عالبيت بعد سهرة كتير طويلة...فتحت تويتر تا شوف شو في آخر مستجدات...وقبل ما نام "كبيّت" هالبيت الشعر ونطرت تا شوف إذا في حدا من السهرانين برّد:ـ

هالويسكي مش مرغوبة / ولا هيي من مطلوبي / إتعوّدت إسكر من حسنِك / ومش رحّ غيّر مشروبي

مرقلو شي نص ساعة وإذ بلاقي هالردة من إميلي:ـ

هيدي الويسكي ما بتنحب / لولا حدي احلا شب / يمكن لو كنت بقربي / كان الويسكي بدا كب

فا جاوبتا عالسريع أنا:ـ

الويسكي أوعيك تحبي / شيلي القنينة وكبّي / يمكن لو كنتي بقربي / تا خبيكي بعبّي

وكانت صارت الساعة شي تلاتة الصبح، فنمت. وعيت الصبح لقيتا كاتبة:ـ

هالشب ال كلو رقة / الليلة نقصتو الدقة / ع عبّو فكر رح فوت / فاتحلي عبّو شقة

مدري ليه فتحت معي القريحة "عالريق"، فبلشت إكتوب:ـ

رقة ودقة مش ناقصين / جننت عقول ملايين / إنكنك مش رح بتفوتي / زيحي من درب الحلوين

قبلـِك حبوا يفوتوا كتار / بس الشقة مسكونة / وهلق لِم راحوا الزوّار / لا تتغنج يا عيوني

بعـِبّي فتحتلـِك شقة / فرشتا بذوق ورقة / حطي راسك عا قلبي / وإنطربي عا صوت الدقـّة

وختمتلا ياها ببيت عتابا (من أرشيف الزغلول):ـ

يا حلوة بإيديك إسقيني ويسكتي / لئلا يصيبني عارض وسكتة / وعا صدري غمّيضي عيونيك واسكتي / السكوت كتير أحلى من الجواب

فجاوبت:ـ

سألت عَنك قالو شو بكي / و قالو دروبَك كلّا ملبكي / يمكن كلامن صح ويمكن حكي / العبرة الليلة عندك بالجواب 

حاطط ع كتفو نجمة / وعَ قلبي عامل هجمة / عبّو بعدو قيد الدرس / بدي حيلو ع اللجنة

حلوات الوقفوا بالصف / ع بوابك ما بيعنوني / لما سمعتك قلبي هف / اوعا عيونك ينسوني

قلبك تسلم دقاتو / دقة و رقة عاداتو / عازمني ت اتسمع / دبت بخفة همساتو

وللحديث صلة ...ـ

ميجانا: ليعبا

كانت زغيري وكنت بإيدي ليعبا

بسن الطفولة لا قميص ولا عبا

بسن الرشد، مديت إيدي عالعبا

قالت تراجع هالفواكه مضمنا

على شكلو شكشكلو

عتابا: تعسكر

عتابا: لبـَّكيني

كمان نتفة غزل

يا خمر نعـّسني معك ونعاس

عزمتك عا سكرة، تعا دعوتي لبـّي

فضّي وعبّي كاس عبّا الراس

يا ما مفضي الكاس ومعبّي

يا مصمم الأزياء يا حساس

لليل عنو شيل هالجبة

وصمم حبيبي الكاس والأنفاس

تأشربو من الزاف للقبة

من شعر طليع حمدان

غزليات

فستانِك خصرو عالي 

قالـِت بحبـَك 

 

على ما يبدو

مستوحاة من أغنية جوليا بطرس الجديدة "على ما يبدو" ـ

عتابا: تعسكر

شفت الجيش من حولـِك تعسكر

وشفت الهمّ عا جبينيك تعس كرّ

شلحت توبها وقالت تعا سكار

من تمّ المتل معصرة العنب

على شكلو شكشكلو

عتابا: لبـَّكيني 

الوضع النفسي حالياً 

الله يرحم مارون كرم

نَحْلاتكُن مِدري كِفِنِّي صايرين

علَّموا عَ الشَيْطَنِة نَحْلاتنا

بْيِتـْقـَوشَعوا ما بِيْسْتِحوا هالدَّاشْرين

بْيتغامزوا مِن بْعيد عَ وِرْدَاتنا

على شكلو شكشكلو

شعر للشعر وسكر بنات 

لبنان يا غنية الإنسان

نتفة غزل

من قبل سبع شهور كنا إبو ضبي

ومتل الورد طلت صبية محجبّة

متحسّرة، إتنشّف عرقها مشّوبة

وممنوع إعلان الجمال من الخبي

قلتلها من بعد نظرة طيبة

من عيونها في هيك فرصة مناسبة

زيحي الحجاب وبوردي بهالتجربة

ولا تفزعي إتحاسب وتتحاسبي

بكرا أنا بطلب التوبة من المسيح

والمغفرة إنتي إطلبيها من النبي

من عاصي لفيروز

بالذكرى الـ 24 لغياب عاصي الرحباني، إنكتب كتير مقالات وإتخبر كتير خبار، خصوصي بظل هالمعمعة بين فيروز وورثة منصور الرحباني. بس في قصة لفتتلي نظري كتير وخبـّرها فايق حميصي يلي كان عايش مع عاصي الرحباني بفرد بيت لحين وفاتو. وأكد حميصي إنو عاصي كان لآخر تكة ناطر إنو يدق الباب وتجي فيروز لعندو عالبيت وإنو كان مشتقلها كتير ...ـ

فا إرجعت عا هالأرشيف وعا مسرحية "المؤامرة مستمرة" (آخر مسرحية لعاصي وهوي طيب) تا فتش عا أي دليل يأكد شو خبّر فايق حميصي...ولقيت هالزجل الرائع ويلي بيّن قديش بالفعل هالزلمة كان مشتاق يرجع يلتقي بالمرا يلي لا شك إنو جسـّدت أو قولبت عبقريتو بطريقتا وموهبتا يلي ما بظن إني أنا قادر أوفيا حقا ...ـ

يا جارة إزعلتي عليي وشو بيرضيكي ؟
متل ما صاير فيي صاير فيكي


غادي من عندن غادي الصوت الموجوع
يغلغل بصخور الوادي ويرد رجوع
بحلفلـِك لما بنادي وعينيي طلوع
بسمي الله وبلادي وبسمّيكي


يا حلوة اللي هجرتينا ونحنا جيران
ليالي الحب ليالينا راحو ضيعان
ويا ما إكتبنا بماضينا عنـِك قصدان
شمـّتي الكوّرس فينا والدبيكـّي


لافي تحت الصفصافة طير الميي
والحلوة عم بتجافي شوي شوي
بشهـّد هاليل الصافي وندر عليي
لأقصد مار عبدا حافي تا راضيكي

المغنون بحسب الدور: جوزيف ناصيف، رونزا، جوزيف عازار.ـ

مقالات مماثلة

عتابا: لبـَّكيني

يا ملبـّكي العالم، بحُبـِك لبـَّكيني

وما تبكي عا حدا، أنا بس إبكيني

وياريتو الرب خالقني "بيكيني"ـ

تا إبقى ملزّق بجسم الحباب

في الذكرى الرابعة والعشرين على غياب عاصي الرحباني

هيدا الحديث إنحكى سنة 1990 بالذكرى الرابعة لغياب عاصي. وهاي شقفة من الحديث يلي هوي أطول من هيك بكتير.ـ

بس هالشقفة بالذات لازم نسمعا ونضل نسمعا بركي منفهم بقا.ـ

مقاومة الإنحلال : أصنام العرب

Quotable Quote:

صارلن شي مية سنة ما ربحوا العرب

مية سنة ملقوحين بقصور الدهب

مية سنة مرتاحين. لا القدس ولا فلسطين

عملو عندن شي صحوة أو صرخة غضب

إبصق بوجهي

أمس اتصلت بالأمل
قلت له: هل ممكن أن يخرج العطر لنا من الفسيخ والبصل؟
قال: أجل

قلت: وهل يمكن أن تشعَل النار بالبلل؟
قال: أجل

قلت: وهل من الحنظل يمكن تقطير العسل؟
قال: أجل

 

قلت: وهل يمكن وضع الأرض في جيب زحل؟
قال: نعم، بلى، أجل....فكل شيء محتمل

  

قلت:

 إذن حكام العرب سيشعرون يوما بالخجل ؟

 
قال:ابصق على وجهي
إذا هذا حصل