Sunday, October 28, 2007

لعـيونـِك









الموسيقى الخلفية إسما Tagada Dance لتوفيق فروخ من ألبوم Ali On Broadway

Monday, October 15, 2007

سكر بنات وشـِعـِر للشـَعر

السلام عليكم. ما بظني بكون عم بفضح أسرار إذا قلتلكن إنو 99.93% من الشبيبة يلي حضرو فيلم سكر بنات صار معن حالات (حتماً) من "التريُّل" الشديد بس شافو الست فوق بالصورة. حتى داعيكم يلي مصاب بنشاف بالريق إلو فترة أحس ببعض عوارض التريـُّل يلي سرعان ما تحوّلت إلى همدرة لقصيدة كنت أعرفا من زمان وما كنت مقدرلو ياها لشاعري المفضل والأهضم أسعد سعيد إلا لما حضرت الفيلم و"صـُعقت" لما قصّولا شعرا. وصرلي جمعة هالقصيدة ما عم بتحّل عني فا رح حطّا هون وإتركا بركي هيي بتذوق وبتتركني ....ـ

شو عمـِلت مع حلاق شعرِك يا ترى
تا قصّر وقصّ وعـِمـِل هالمجزرة

شَعرِك الكتبتو قصايد تـِنقرى
بعطر القناني مش بحبر المحبرة

وكانت بطولو الريح هيي وطايرة
إتضييع وما تعرف لوين مسافرة

خصلاتك العليهن مقص إفترى
عمرن عُمر حبي إلـِك يا مغندرة

مربّـيهن وبعرف أساميهن منيح
وقاطع بإيدي لكل شعرة تذكرة