Tuesday, August 29, 2006

رسالة إلِك


بتعرفي ... ما كان بدي إكتبلك
ما كان بدي إكتبلك...لأنو بعرف إنك ما بتقري
ولا جماعتك بيقروا ... مشغولين كتير بتطليع المصاري
أو صرف المصاري يلي طلعوها أهلن

ما كان بدي إكتبلك لأنو كان في حرب
لأنو ما كنت قادر شوف ولاد عم بتموت وأنا عم بتحسّر
على علاقة ماتت !!!
ما كان فيي شوف جسور عم تنهدم وإندم على علاقة إنقصفت

بس خلصت الحرب ... وأنا ما خلصت
بعدني حامل حدعشر سني عم بيقولو لي ... إكتوب
عم بكتب نكاية فيهن مش فيكي
ما بدي منك شي ... ولا عايز منك شي
وعارف ما رح تقري هالسطور بس أنا رح إقراها

عم بكتب كرمال الشارع يلي قبل بيتك
يلي كنا كل ما نمرق فيه، وعارفين إنو وقتنا
لليوم خلص، نقعد نبوّس بعضنا تايطلع الضو
أو يعجق السير الساعة تنتين عبكرا

عم بكتب كرمال الهمسات يلي نقالو عالمخدة
قبل الحب ووقت الحب وبعد الحب
عم بكتب كرمال جسمك العرقان يلي
يلتحم بجسمي وتقوللي مش معقول هالإحساس

عم بكتب كرمال كل المطارح بهالدني يلي
سافرنا عليها "من بغداد إلى الصين"
عم بكتب كرمال كل يلي حسدونا من الناس

عم بكتب كرمال كذبة "ما جمعه الله لا يفرقه إنسان"
طلع إنو بيفرقو كم محامي وعشرتلاف دولار
ومطران واطي قدام القرش

عم بكتب كرمالي أنا ... الرجّال العربي
الشرقي، المتوسطي
عم بكتب تقول إنو كل عقد الشرق الإجتماعية،
الجنسية والنفسية كبّيتا متل ما بكب
ولد صغير حجرة بالبير الغميق

عم بكتب لأنو رجوليتي ما بتنتقص
إذا حسيت حالي ضعيف قدام الحب
أو الحياة أو الموت

عم بكتب تاإعتذر من عينيي لأنو
صرت شوفيك فيهن عم بتصيري
متل إمك ... كارثة تصيري متل إمك

عم بكتب كرمال قلبي يلي
صار يخاف يحبّ
عم بكتب كرمال لساني يلي
صار يخاف يتغّزل

عم بكتب تاقلهن ما يخافوا
ولا يندموا
عم بكتب تاقلهن عيشوا،
حبوا، تغّزلوا
إقروا شعر وإسمعوا موسيقى
روحوا وتعوا هالحياة قصيرة

وآخرتا عم بكتب كرمال روحي
يلي آخدي الروح من روحي
وإنتي ما رح تقري هالسطور
إذا بتريدي من حياتي قومي
وتفضلي ... روحي

18 comments:

inmotion said...

ma ba3rif sho yalle sar ma3ak

wo el hay'a inno shee kteer byooji3 el'alb

bas 7issayt feek .. wo bi3tizirlak 3an elle sar ma3ak

wo ma tistaghrib iza kil el nas 'iddam el 'irsh saro watyeen .. hayde el 7ayet wo hayde el dine

khalleek 'awe ..

wo khalle albak 'aweh

*hugs*

Ana Min Beirut said...

Please check your email on the Gmail address.

Anonymous said...

c'est fort ta lettre. tres familiere aussi. j'ai vite pense a z.rahbani, katterkheir allah ba3dna taybeen. une declaration de "non-amour". (je dis pas "haine"). je crois "de nausee, de degout". tres fort, se l'admettre et le proclamer. mais du moment qu'on en est la, plus rien ne compte. c'est mieux de vivre vrai, meme avec la nausee.
ca fait feroce et moche devant la glace. plus on deconstruit l'autre plus on devient fort.
ca doit etre malade ca.
l'amour c'est suppose etre beau et bien. alors qd il n'en reste que la nausee ca fait etrange. on a jamais raconte ca a l'ecole.
on s'attend a des regrets des soupirs des pensees des sourirs des souvenirs. mais qd il n'en reste que la nausee...ca fait un trou. ds l'ame.

doha said...

3am berja3 e2ra hal reseleh.sa3be ktir inak tfe2 min 7elem,khassa iza akhad jez2 kber mn 7ayetak..

bass l2a7la hiyyeh 3azemtak l2aweyeh,lat 2om men jded.

ma tendam 3a she,hal 3ele2a hiye emte7an,shefet fe wen lghalat,w ma bet karero mara jeye.

khalik 3am tektob my friend,la2ano ketebeh hiyi a7la dawa

linalone said...

10 years, mouch le3be. Yalla, that's life.

Ana Min Beirut said...

Ya Doha wou Linalone:
Thank you for your supporting words. It is all part of life and I am just dealing with it the best I know. Starting this whole blog thing was mainly to vent off steam becuse of that incident in my life. Doha, you are right. writing is very liberating, especially if you just let it flow naturally. Please don;t worry about me, I am really really fine.

Anonymous said...

Baseeta khayyee, 7adertei 3le2t ma3 we7dei me ras beirut, 4 sneen bas (ma 2adday ya3nei), bass walla 2albei ba3dou bnatnet men iljnoub 3a ras beirut... marra kent 3am i7ross - ai, ana men hawdei ellei by7ersou, hawneeek matra7- wa tel3etlei bent el 7alail be dmagi, alla wakeela, kanet 7a iddaye3nei wa iddayye3 el 2adeyyei be dahra...
ya3nei, katabtellak la 2ellak, broken heart-ed people com in different colors and shapes.... the best thing about it is, lamma teshki hammak la sader 7anoon.... later , ya man

nado said...

3anjad ken lezem erja3 2e2ra hal post ta toda7 el soura, ma ba3ref lesh awal mara ma ra7 fekre lal we2e3 wel 7a2i2a, bass hala2 wed7et el soura aktar..
Mini 2ilak hal gheneye, samayta: ENSA EL MADI


إلي راح... راح
أنت عيش فراح
يمكن حبا منك ضاع
وقلبا القاسي هوي لباع
صاير قلبك كلو جراح
إمحي همك ومني سماع
ولحياتك قوم رجاع
خلي أملك هوي سلاح
والمحبة تكون جناح
تنسّيي روحك كل شي راح

أنسى الماضي.. عيش وشوف
في بالدنيه بعد ورود
هني راحوا ... أنت روح
فتش بيقلبك ع وعود
تهديها لقلب طاهر
أخر همو المظاهر
رح بتلاقي لو بالأخر
رح بتلاقي شريك الروح

Anonymous said...

Alla ma3o ya man,
Your words touched me... Li anoun sad2in w pure byidikhlo il alb bser3a w bi 2asro... Keep on writing and keep it up.. By the way, I read some other stuff you wrote and they made me die from laughing :) Great work man... Check my blog if you can and tell me what you think about it. I would love to know your opinion..
Salamat

redrose said...

what I liked the utmost here

بكتب لأنو رجوليتي ما بتنتقص
إذا حسيت حالي ضعيف قدام الحب
أو الحياة أو الموت

This is the real manhood and rhe pure sincere feeling, and u said in previous post that you will not wake up if you believed that no real love exists in love..

good luck..many good wishes to you ..

your Angel said...

حبّيت
bonne chance!

Anonymous said...

وأخيرا ، حصلت على ما كنت أبحث عنه! أنا بالتأكيد تتمتع كل قليلا من ذلك. سعيد أنا تعثرت في هذه المادة! ابتسامة لقد قمت بحفظها للتحقق من الاشياء الجديدة التي ترسلها.

Anonymous said...

هذا حل المشكلة حقا لي ، شكرا لك!

Anonymous said...

نحن مجموعة من المتطوعين وبدء مبادرة جديدة العلامة التجارية في المجتمع. زودت مدونتك الإلكترونية لنا معلومات قيمة للعمل بها. لقد قمتم بعمل رائع!

Hope said...

ما عرفت بشو بدي ناديك من بعد ما سميتني "ديرست"... عزيزي أو صديقي أو يا محترم أو يا رفيق... إنت منك شي من هودي الإشيا... إنت أكبر لأنو الألم بطهر النفوس وبكبرها، وإنت أصغر لأنو ما الك شكل براسي بس الك صوت بيرن، وإنت أحلى لأنك صدفه، وما في أحلى من الصدف إلي بتذكرنا بإنسانيتنا... وكرمال هيك قررت إنو بلش الرد بالتالي:

صدفتي العزيز من بيروت،

قررت إنو رد على ردك بالعربي لتعرف اني بأقرأ وبكتب عربي كمان. وما تواخذني تأخرت عليك بس صراحة ما توقعت ترد.. يمكن لأنو حسيت إنو اللي قلتو كتير في من روحك، فما حسيت إنو بعد فيك ترد... هيك كلمات بتاخد كتير من روحو للواحد وقليل لا تتركلو شي...

بس على كل حال ها نحن هنا... نقرأ ما كتب منذ أربع سنوات... أنا اقرأ فأفتح أبواباً اغلقتها ذاكرتك واشيد غرفاً جديدة في ذاكرتي... وأنت تغامر مجدداً في زيارة ما هجرت ذكراه أربع سنوات...

حكمتني قشعريرة لما سميت هيدي الرسالة "جنر" (نوع) وكأنو عم تكتب قصة... بس لما قريتا للمرة الرابعة فهمت إنو ما في الواحد يبقى، يصمد، يستمر من بعد هيك خسارة إلا إذا عزلها عن ذاتو، وعملها متل كأنها شي خبريه عن شي حدا بيعرفو وما بيعرفو... إنت لتستمر عملتا للرسالة "جنر"، وأنا حتى يستمر الأمل، ويصمد الإيمان فيني، اخترت إنو صدق إنو بعد في ناس بتعطي كتير، وبتحب كتير وبتخسر كتير ... لأنو يا صدفتي متل ما بيعرف جانبكم ما في ربح من غير خسارة... أنا ما عم صف معك ضدها متل ما اللي قبلي صفو... وما عم بررلها لأنو أنا مابعرف شو صار.. بس اللي أنا اكيدي منو إنو صعب كتير علبنت لو معمولي من تلج، من صخر، إنو تكب يوم واحد من عمرا، بقى كيف إذا كان 11 سني... ما تنسى إنو التلج بدوب والصخر بفت... وحتى الألماس صارو يقصو باللازر... هي منا بقوتك تتقدر تكب كل العقد اللي منربى عليا متل الحجرة... ونحن إذا ما صرنا متل امنا ما منعود نعرف نميز شكل وجنا بالمرايا... متل ما قلتلك قبل، أكتر شي بخوف الإنسان هو نفسو وإنو يوعى شي نهار وما يعرف شي عنا... من هو أو هي...منشان هيك بنتستعير صفات من اهلنا، من بيئتنا، من شي حزب، من شي سياسي، وبنلزقن مع بعضن لنعمل نفس تلبق مع نفوسهن... "الكوبي بيست" (قص ولزق) أهون بكتير من إكتشاف شي جديد... لما غاليلو إكتشف إنو الأرض بتلف حول الشمس...ليك المسكين شو صار في... حرقوا... والحرق صعب... تنينتكن خسرتو... بس المهم اللي ربحتو...

Hope said...

P.S. (coz there isn't an arabic translation for P.S. that i could find) I forgot to send you this link to a post on my blog... when i read it again, the words were jumping up and down begging me to visit you... so here I am sending them with loads of hope ur way... Enjoy!

http://whenhopespeaks.blogspot.com/2011/02/blog-post.html

Ana Min Beirut - أنا من بيروت said...

من وين ألله بعتِك عليي بهالحشرة ؟؟؟
I am currently reading your blog and the chill down my spine is just way too spooky !!!!
this conversation needs to move to email:anaminbeirut@gmail.com awaiting ur email address.

Tanya Awad Ghorra said...

I saw a conversation on the side and clicked to find myself here. Hmmm. Okay. This post is now old, but with time, don't you think kisses in the dark become the nice memory of the past? Time softens edges, and memory becomes tricky. After all this time, do you agree with me? or you kept the anger and deceit? better keep the kisses, the whispers, the moments of happiness and intimacy :)